“Грэмми” (Grammy) иегері атанған Иманбек Зейкенов танымал әнші Шон Пол және София Рейеспен бірлескен жаңа ән шығармақ. “Dancing On Dangerous” деп аталатын жаңа туынды 9 сәуірде жарық көреді. Бұл туралы Иманбек instagram-да хабарлады.
“Шон Пол, София Рейеспен бірге жазған “Dangerous-та Dancing” әні осы жұмада шығады”, – деп жазды Иманбек.
Посмотреть эту публикацию в Instagram
Жаңа ән туралы София Рейес instagram парақшасында “Бұл түсім емес қой? Арман орындалды”, – деп жазды.
Шон Пол – Ямайка дэнсхолл орындаушысы. Ол да Иманбек сияқты беделді “Грэмми” музыкалық сыйлығының иегері. Оның “Give It Up To Me”, “She Doesn’t Mind”, “Got 2 Luv U” сияқты әндері көпке танымал, Youtube-тегі видеоклиптері жүз миллиондаған көрілім жинаған.
София Рейес – мексика-америкалық әнші, ән жазушы және актриса. Рита Орамен “R.I.P.” деген ән шығарғанымен де белгілі. Бұған дейін Иманбек те Рита, David Guetta сынды жұлдыздармен бірлескен туынды шығарған болатын.
