Apple TV+ стримиң қызметі психикалық ауруға шалдыққан адамдардың өмірі туралы «Адамы көп бөлме» (Переполненная комната) атты жаңа сериал-антологияны түсіретінін хабарлады. Жобаның бірінші маусымы Билли Миллиган туралы болады. Оны “Өрмекші адам” (Человек паук) фильмінің жұлдызы, британиялық актер Том Холланд сомдайды.
Билли Миллиган — санасында бірнеше тұлға өмір сүретін психикалық дертпен ауырған Америка тұрғыны. 1970 жылдардың соңында оған тонады, зорлық жасады, есірткі саудасымен айналысты деп айып тағылды. Бірақ адвокаттары қылмысты Биллидің өзі емес, оның санасында кезек-кезек оянатын 24 тұлға жасағанын дәлелдеп шыққан.
Сот Миллиганды ақтап, психиатриялық ауруханаға жіберген. Билли онда 1988 жылға дейін ем алды. Оның өміріне негізделіп, Дэниэл Киз кейін «Билли Миллиганның құпия өмірі» атты нон-фикшн роман жазды. Миллиган 2014 жылы 59 жасында қайтыс болды.
Желісі осы оқиғаның негізінде түсірілетін сериалдың түсірілім мен релиз уақыты әзірге белгісіз.