Q-pop негізін қалаған Ninety one тобы Eaglez-ды“Qiyalman” деген жаңа әнімен қуантты. Бұл ән былтыр өткен онлайн концертінде алғаш орындалған болатын.
Ninety one-ның жаңа әнін тыңдармандары 2000 жылдардың басындағы америкалық топтардың әніне ұқсайтынын айтып, instagram-да “2004-2005 жылдар есіме түсіп кетті ғой. Әпкелерім Linkin Park, Tokyo Hotel, RHCP тыңдайтын кездер” сынды комменттер қалдыруда. Сондай-ақ, жазылған пікірлерге қарағанда әннің мұқабасы да көпшілікке ұнаған көрінеді.
“Qiyalman” әнін Apple music, Spotify, Yandex music, Itunes музыкалық платформаларынан тыңдауға болады.
