Moldanazar лейблінің танымал әртісі Орынхан Рахымбековтың “Тау” атты жаңа альбомы жарық көреді. Премьера 20 сәуірге жоспарланған. Бұл туралы Gakku Plus арнасы хабарлады.
“Ескі әндерден шабыттандым. Білмедім, сондай көңіл-күй болды ма? Сондықтан 80-90 жылдардағы, сол кезеңдегі достарды іздедім”, – деді Орынхан Gakku-ге берген сұхбатында.
Жаңа альбом махаббат, сезім тақырыбына арналғанымен, Орынхан ән арқылы әлеуметтік, экологиялық мәселелерді де қозғамақ.
Жалпы “Тау” альбомына 4-5 ән кіреді деп жоспарлануда. Сонымен қатар, Орынхан “Дәрумен” әніне видеоклип түсіргенін, жақында туынды жарық көретінін айтты.
