Ақтауда Rixos Water World қонақ үйінің басшылығына танымал қазақстандық Ирина Кайратовна тобының концертін ұйымдастырғаны үшін айыппұл салынды, деп хабарлайды InAktau порталы.
Басылымның хабарлауынша, концертке екі мыңнан астам адам қатысқан. Қалалық әкімдіктің баспасөз қызметінің мәліметінше, айыппұл сомасы 800 АЕК – 2 млн 333 мың теңгені құрады.
Топ концертінің видеоролигі әлеуметтік желілерде жарияланды. Шараның өткізілгенін қонақ үйдің instagram парақшасындағы анонс растаған. Алайда жарнама кейін өшірілген.
Бұрын карантин шектеулерін сақтау жайлы бірнеше трек шығарған Ирина Кайратовна тобының мұндай әрекетін әлжелідегілер сынап тастады.
Айта кетсек, қонақүйге айыппұл Маңғыстау облысы коронавирустың таралу қарқыны бойынша “сары” аймаққа кіргеннен кейін салынған.
Посмотреть эту публикацию в Instagram
