Gakku арнасының экс-продюсері Тимур Балымбетовтің youtube арнасындағы фоллоуерлер саны 120 мыңға жетіп, күміс батырмаға қол жеткізді. Бұл қуанышты жаңалығын продюсер instagram-да бөлісті.
“Біз бұған бірге жеттік. Youtube-тегі алғашқы 100.000 фоллоуеріміз. Лаура Балымбетова екеуміз бізбен бірге болғандарға ризамыз. Әлі арнамызға жазылмаған болсаңыз, шұғыл түрде түзетіңіз. Серіктесім Genesis-ке жеке алғыс айтқым келеді. Рахмет достар!”, — деп жазды Балымбетов.
Тимур Балымбетовтің Balu kz youtube арнасындағы “Ашығын айтқанда” бағдарламасы көпке танылып үлгерді. Ол бұл бағдарламада өнердегі жұлдыздармен, сондай-ақ, ғалым, азаматтық белсенділермен түрлі сұхбаттар жүргізеді. Соңғы түсірілген сұхбаттардың бірі актриса Әлия Ануарбекпен өтіп, 830 мыңнан астам көрілім жинаған.