Алматыда өтіп жатқан Азия чемпионатының бірінші күнінде әйелдер күресінен Қазақстан құрамасы екі алтын медаль алды, деп хабарлайды vesti.kz.
76 келіге дейінгі салмақта Эльмира Сыздықова қырғызстандық Айпері Медетқызын 4-0 есебімен жеңіп чемпион атанды. 50 келіге дейінгі салмақ дәрежесінде Валентина Исламова-Брик өзбекстандық палуан Жасмин Иммаеваны жеңіп, алтын иеленді.
Айта кетсек, күрестен Азия чемпионаты Алматыда 13 сәуірде басталып, 18-не дейін жалғасады. Қазақстандық әйелдер командасының құрамасынан Валентина Исламова (50 келіге дейін), Татьяна Ахметова (53 келіге дейін), Айша Уәлихан (55 келіге дейін), Алтынай Сатылган (57 келіге дейін), Диана Каюмова (59 келіге дейін), Ирина Кузнецова (62 келіге дейін), Гаухар Мұқатай (65 келіге дейін), Анастасия Панасович (68 келіге дейін), Жәмиля Бақбергенова (72 келіге дейін) және Эльмира Сыздықова (76 келіге дейін-ТИ) қатысып жатыр.