Танымал әнші Мөлдір Әуелбекова жақында ғана онлайн іріктеу ұйымдастырып, үміткер 30 қыздың ішінен өз таңдауын жасады. Бұдан алдыңғы құрамды неге таратқанын айтып, жаңа құрам жұмысын бастап, алғашқы іс-сапарға кеткені жайлы Instagram желісінде бөлісті.
“Маған келген қыздардың Алланың қалауымен бағы ашылып, топта жүріп жақсы жігіт кезіктіріп тұрмыс құруға сұранып кетіп жатыр. 7 жылдық келісімшарқа қарамастан, қыз баланың бағын байлағым келмей, Алла разылығы үшін жіберіп жатырмын. Ал, ендеше, Әнел(Талдықорған), Аяжан(Шымкент), Аида(Ақтөбе) есімді талантты арулардан құралған жаңа құрамды қарсы алыңыздар. Толықтай “Назар” тобының парақшасында таныса аласыздар. Қыздарым алғашқы жұмыс-сапарға Алматыға шықты. Бірнеше ән жаздырып, мерекелік түсірілімдерге қатысып, радио мен тв-ға сұхбат беріп үлгеріп жатырмыз. Графигі толық болып, қызығушылық танытып жатқандарыңызға рақмет! Бұйырса, 19 наурызда алғаш рет жанды дауыста сахнаға шығады”, — деп тыңдармандардан қолдау сұрады.