Дәстүрлі әнші Ерлан Рысқали әуежайда домбырасын жүкке тапсыруды талап еткен әуе комнаниясына ренішін білдірді. Бұл жағдай басқа елде емес, Қазақстанда болғанына наразы. Тіпті Instagram-да жариялаған жазбасын «қолым қалтырап, жүрегім қан жылап, әрең жаздым» деді.
Посмотреть эту публикацию в Instagram
“Сан рет дүниенің түкпір-түкпіріне ұшып жүрсем де, өмірімде бірінші рет домбырамды жүк қылып “багажға” тапсырдым. Және бұл сұмдық басқа елде емес, Қазақстанымда болды. Флайарыстанда қазақылықтың иісі аңқып тұрған Алматы әуежайында орын алды. Билетті тіркеп тұрған апай мені танып өткізіп жібергісі-ақ келді. Бірақ қазақылықтан жұрдай қаракөз қарындасым үзілді-кесілді тыйым салып, даусын қатайтып, өктем сөйлеп ырық бермеді. Амал жоқ, сөйтіп қасиетті домбырамды “багажға” тапсырдым. Енді әуежайда кешірілмес күнә жасағандай пұшәйман болып отырмын”, — деп жазды Ерлан Рысқали.
Фоллоуерлері де алаңдаушылық білдіріп, “Шаш ал десе, бас алады екен”, “осындай бассыздық үшін бұл ұшаққа отырмаймын деп шештім”, “Сынып қалмады ма?”, “Қайран Ерекем-ай” деген пікірлер қалдырған.