Танымал әнші Бүркіт анасының 80 жас мерейтойын дүркіретіп атап өтіп жатқан сәтін желіде бөлісті. Өнер иесінің айтуынша, мерейтойды Жамбыл обылысының мәдениет басқармасы мен Ш. Уәлиханов атындағы кітапхана басшылығы ұйымдастырған.
Посмотреть эту публикацию в Instagram
Әншінің анасы Айша Көпжасарова 20 жыл бойы Тараздағы Абай атындағы театрда мәдениет бөлімінің меңгерушісі болып жұмыс атқарған. Сондай-ақ, Қазақстан жазушылар одағының мүшесі екен.
Бүркіт Instagram жазбасында: “Бүгін Таразда керемет кеш болды! Анамның 80 жылдығын осы Абай атындағы драма театрында атап өттік. Осы театрда анам Айша Жұмағұлқызы 20 жыл мәдениет бөлімінің меңгерушісі болып қызмет атқарды. Поэзия кеші болды. Халық риза болды деген сенімдемін. Әкемізден бір бата. Таразым рақмет!”, — деді.
Фоллоуерлер пікірі екіге бөлінді. Бірі “Карантин уақытында неге мерейтой жасайсыздар?! Тіпті бетперде тақпағансыздар” десе, енді бірі “Анаңыз қандай әдемі. Мен де 80 жасымда осылай жас көрінгім келеді. Құтты болсын” деп жазды.