Фотограф Руслан Тагаев Mobile Creators-пен бірігіп, “I, photographer” мобильді қосымшасын жасап шығарды. Бұл — кәсіби камера деңгейінде iPhone-да фотоға түсіруді үйрететін қосымша.
“I, photographer” қосымшасы негізгі үш блоктан тұрады: “Камера негіздері”, “Теория”, “Фоторецептер”. Әр блоктың алғашқы сабағын тегін оқуға болады. Одан кейінгі 15 дәрістің бағасы — 1190 теңге. Әр дәрісте теориядан бөлек, практикалық тапсырмалар бар.
Видео: @mobicreators
Instagram-дағы постында белгілі фотограф Руслан Тагаев бұл жобаны 2019 жылы бастағанын айтады. Жоба қатысушыларының қатарында танымал актриса Айсұлу Азимбаева, фотограф Тимур Епов, суретші Камилла Нугманова және т.б. белгілі азаматтар бар.
Айта кетсек, Mobile Creators жобасының “The great photo app”, “#filmphotography”, “The great tea app”, “The great coffee app” сияқты басқа да мобильді қосымшалары бар.