Атырау облысы әкімінің бұрынғы орынбасары Бақытгүл Хаменова сот шешімі бойынша 7 жылға бас бостандығынан айырылды. Бірақ бұл жазасын 3 жылдан кейін өтейді.
Оған басты себеп, кәмелетке толмаған балалары. Сондықтан әзірге экс-шенеунік үйқамақта болады. Сонымен қатар ол «Құрмет» орденінен айырылды.
Еске салсақ, Хаменова 2021 жылдың 10 желтоқсанында ұсталған болатын. Сол кезде БАҚ Хаменова мен мәдениет басқармасының басшысы Атырауда Абай Құнанбаев ескерткішін орнатуға мемлекеттік сатып алу шартын жасасқаны үшін 4,5 миллион теңге көлемінде пара алды деген күдікке ілінді.
Ол соңғы сөзінде былай деді: «Мен қылмыскер емеспін және оны дәлелдеу үшін соңына дейін күресемін»
Айыптаушы тарап сондай-ақ облыстық мәдениет басқармасының бұрынғы басшысы Ақылбек Рысқалиевті жеті жыл, пара берді деп күдікке ілінген жеке компанияның басшысын төрт жылға бас бостандығынан айыруды сұрады.
Сот процесі 2022 жылдың 11 тамызында басталған.