Deutsche Welle-нің жазуынша, бұған басты себеп — «Талибан» (Қазақстанда бұл ұйымға тыйым салынған) үкіметтік емес ұйымдарда (ҮЕҰ) әйелдердің жұмыс істеуіне тыйым салуы. Аталған бұйрық шыққан сәттен бастап үш шетелдік ұйым жексенбі күні Ауғанстандағы жұмысын тоқтатқанын мәлімдеген.
«Бізге бұл мәлімдеме түсінікті болмайынша, ерлер мен әйелдердің Ауғанстанда құтқарушы көмек көрсетуді бірдей деңгейде жалғастыруын талап етіп, бағдарламаларымызды тоқтатамыз» ,- делінген үш топтың бірлескен мәлімдемесінде.
Сенбі күні «Талибан» өкілдері үкіметтік емес ұйымның әйел қызметкерлеріне жұмыс істеуге рұқсат етілмегенін, себебі кейбіреулер әйелдерге арналған ислами киім үлгісін қатаң түрде сақтамағанын айтты.
Бұл шешім халықаралық деңгейде қызу талқыға түсті. БҰҰ дәл осы тыйымды айыптап, түрлі пікір білдірген. Онда әйелдерді қоғамдық және саяси өмірдің барлық аспектілерінен жүйелі түрде шеттету елдің дамуын шектейтіні және мемлекеттегі бейбітшілік пен тұрақтылыққа қауіп төндіретіні айтылған.