Vogue мұқабасына шыққан хиджаб киген әлемдегі алғашқы модель ретінде танымал Халима Аден мансабының аяқталғанын жариялады. 23 жастағы американ супермодель бұл туралы Instagram-дағы оқырмандарымен бөлісті.
Халима Аден модельдік саладағы жұмысы оның діни көзқарастарына қарсы келуіне мәжбүр еткенін айтты. «Өзіндік ерекшелігін жоғалтқан» сезімде болған екен. Экс-модель хиджабтың орнына басына джинсы киген фотосессияны мысалға келтірді.
«Осы түсірілімнен кейін қонақүйдегі бөлмеме келіп жыладым, өйткені ішкі жан дүниемде бұл мен емес екенімді түсіндім. Бірақ бұл туралы айтуға қорықтым”, — деді Халима.
Халима Аден британ Vogue мұқабасынан бөлек, буркини киіп, америкалық Sports Illustrated беттерінде пайда болды: мұнда негізінен жартылай жалаңаш модельдердің суреттері жарияланды. Экс-модель Кениядағы босқындар лагерінде дүниеге келіп, содан кейін отбасымен АҚШ-қа көшіп келген.