Louis Vuitton сән үйі Maison Tamboite Париж шеберханасымен бірігіп, велосипед шығарды. Транспорт эмаль мен хром болаттан жасалған. Велосипед орындығы мен жақтауының бір бөлігі француз сән үйінің қолтаңбасы бейнеленген монограммалары бар қоңыр терімен жабылған.
Велосипедтің артқы жүксалғышында арнайы тақтайша бар. Ол жерге өз аты-жөніңізді жазып қоюға болады.
Louis Vuitton мен Maison Tamboite велосипедтің төрт нұсқасын жасап шығарды. Енді классик монограммалары бар теріні басқа түрлеріне ауыстыруға болады. Қалауыңызға қарай, қара-сұр Damier Graphite шахмат үлгісіне немесе шығармашылық директор Николас Гескьер жасаған жаңа Since 1854 үлгісін таңдауға болады.
Hypebeast мәліметіне сүйенсек, велосипедті Louis Vuitton бутиктерінен тапсырыс беріп, алуға болады.