Broken Nose Boxing YouTube каналы 27 қарашада өтетін қазақстандық боксер Данияр Елеусінов пен намибиялық Джулиум Индонго арасындағы кездесуге қатысты болжам жасады.
Канал авторының ойынша, кездесу — Индонго үшін әлі де қауқары барын дәлелдеуге жақсы мүмкіндік. Жекпе-жек нәтижесі спортшының әлем чемпиондығына қайта таласу-таласпауына әсер етеді.
«Елеусіновтен жеңілетін болса, бұл оны кері тартып, әлем чемпионы титулы үшін күресу мүмкіндігінен айырады деп ойлаймы», – дейді канал авторы.
Елеусінов пен Индонгоның кездесуі 27 қарашада Флорида штатындағы Холливуд қаласында өтеді.