FIFA 2020 жылдың үздік футболшысына тиесілі The Best FIFA Football Awards үміткерлерінің тізімін жариялады. Марапаттау рәсімі 17 желтоқсанда өтеді.
The Best FIFA Football Awards сыйлығы жеті категория бойынша беріледі. Ерлер, әйелдер арасындағы үздік ойыншы, үздік қақпашы, үздік жаттықтырушы және FIFA Puskás сыйлығының иегері анықталады.
FIFA-ның ерлер арасындағы үздік ойыншысына ұсынылғандардың қатарында белгілі футболшылар Криштиану Роналду, Лионель Месси, Килиан Мбаппе, Неймар, Серхио Рамос, Мохамед Салах, Роберт Левандовски және т.б. бар. Былтыр бұл атаққа “Барселона” футболшысы Лионель Месси лайық деп танылды.
Үздік футболшыларға FIFA.com сайтында дауыс беруге болады. Науқан 2020 жылғы 9 желтоқсанға дейін жалғасады. 11 желтоқсанда FIFA жоғарыда аталған жеті категорияның әрқайсысы бойынша үш финалисті жариялайды.