Нұр-Сұлтандағы «Жекпе-жек» сарайына Қазақстаннан шыққан тұңғыш Олимпиада және Әлем чемпионы, «Қазақстанның Еңбек Ері» марқұм Жақсылық Үшкемпіровтың есімі берілді, — деп хабарлайды prosport.kz.
Мұндай қаулыны ҚР Үкіметі қыркүйекте жариялаған. Даңқты спортшының есімі бұған дейін Семейдегі спорт кешеніне де берілген. Одан бөлек, Тараздағы «Тараз-Аренаға» да Үшкемпіровтың атын беру туралы ұсыныс түскен.
Жақсылық Үшкемпіров грек-рим күресінен 1980 жылғы XXII жазғы Олимпиада ойындарының чемпионы, 1981 жылғы Әлем чемпионы. Сондай-ақ, балуан 1971 жылы отандық деңгейдегі, 1975 жылы Халықаралық дәрежедегі спорт шебері атанған. 2017 жылы Үшкемпіровке «Қазақстанның Еңбек Ері» атағы берілді.
Атақты балуан 2020 жылғы 2 тамызда 69 жасында қайтыс болды.