Селена Гомес енді жалғыз емес.Жұрт жұлдыздың баскетболшы Джимми Батлермен қарым-қатынасын талқылап әлек. Инсайдерлер 28 жастағы әншіні 31 жастағы «Miami Heat» ойыншысымен Нью-Йорктің Lucien мейрамханасында кешкі ас ішіп отырғанын көрген. Бұл туралы Miamiherald басылымы мен оларды бірге көрген әлеуметтік желі қолданушылары хабарлайды.
Екеуінің романы туралы қауесет қарашаның ортасында пайда болды. Селена бұған дейінгі екі жыл бойы ешкіммен жақын қарым-қатынас құрмаған. Ұзақ уақыт Джастин Бибермен, одан кейін The Weeknd-пен кездесіп жүрді.
НБА жұлдызы Джимми модель Кейтлин Новакпен жұп болған. Екеуінің ортақ қызы бар. Желі қолданушылары жақында Кейтлин Новак Селена Гоместің instagram парақшасынан анфоллоу (жазылудан бас тартқанын) жасағанын байқаған.