2022 жылы Катар елінде өтетін әлем чемпионаты іріктеу кезеңінің жеребесі тартылды. Қазақстан құрамасы D тобына түсті. Қарсыластары Франция, Украина, Финляндия, Босния және Герцеговина командалары болмақ.
Оның ішінде француз және босниялық командалармен отандық құрама алғаш рет кездеседі. Бұған дейін олармен жолы қиылыспаған. Айта кетсек, Франция құрамасы — қазіргі әлем чемпионы.
Қазақстандықтар Украинамен 2006 және 2010 жылдардағы Әлем чемпионаттарына іріктеуде ойнады. Қарсыластар төрт матч өткізіп, бәрінде Украина құрамасы жеңіске жетті.
Финляндия құрамасымен Қазақстан үш кездесу өткізді. Кипрдегі халықаралық турнирда бір тең ойын өткізсе (пенальти бойынша Қазақстанның жеңісі), Еуро-2008 іріктеуінде қазақстандықтар Қазақстан екі рет жеңілген болатын.