“Бавария” шабуылшысы Роберт Левандовский FIFA The Best-2020 жүлдесінің иегері атанды. Поляк футболшысы жыл ойыншысына берілген дауыстар санынан Лионель Месси мен Криштиану Роналдуды басып озды.
The Best FIFA Football Awards 2020 марапаттау рәсімі Цюрихте өтті. FIFA президенті Джанни Инфантино Левандовскийге марапатты жеке тапсыру үшін Мюнхенге арнайы ұшып келген.
32 жастағы поляк ойыншысы биыл Германия чемпионы, ел кубогы мен Суперкубогының жеңімпазы болды. Сонымен қатар, Чемпиондар Лигасын жеңіп, турнирдің үздік бомбардирі (15 гол) атанып, УЕФА Суперкубогын жеңіп алды.