Америкалық актерлер Райан Рейнольдс пен Роб Макэлхенни «Рексхэм» футбол клубын сатып алды, — деп хабарлайды eurosport.ru
Олардың кандидатурасын жанкүйерлердің 95% қолдады. Қос актердің бесінші ағылшын дивизионынан клуб сатып алуға мүдделі екені қараша айында белгілі болды.
Клуб президенті Дикси Макнил жобаның сәтті боларына сенеді. “Олар (Райан Рейнольдс пен Роб Макэлхенни) клуб жұмысынан жақсы хабардар. Клубты бұған дейін де жақсы басқардық, бірақ бізде ақша болмады. Онсыз даму, алға жылжу мүмкін емес», — деді клуб президенті.
Wrexham Is The Name. @Wrexham_AFC pic.twitter.com/V2ary5X41D
— Ryan Reynolds (@VancityReynolds) November 16, 2020
Рейнольдс пен Макэлхенни қандай уәде берді?
Біріншіден, голливуд жұлдыздары инфрақұрылымға және жаңа футболшыларға 2 миллион фунт (2,2 миллион евро) бөлуге уәде берді.
Екіншіден, «Ипподром» деп аталатын әйгілі «Рексхэм» аренасын жаңартқысы келеді.
Үшіншіден, Рейнольдс пен Макэлхенни клубтың дәстүрі мен мұраларын сақтауға ант берді.
Төртіншіден, олар клубтың футбол лигасына (Чемпионшип, Лига 1 және Лига 2) тезірек оралуын жоспарлайды.
Сондай-ақ, қос актер клубтың матчтарына қатысуға мүдделі.