Танымал спортшы Алексей Полторанинге қатысты Австриядағы сот отырысы 16 қарашада өтуі керек болған. Алайда, коронавирус пандемиясына байланысты сот процесі 2021 жылға шегерілді.
Алексей Полторанин 2019 жылғы 27 ақпанда Австрияның Зеефельт қаласында ұсталған болатын. Спортшыға қан құю арқылы допинг қолданды деген айып тағылып отыр. Дәл осындай күдікпен Полтараниннен бөлек, 4 шаңғышы құрықталған. Қазақстан ұлттық құрамасының көшбасшысы Алексей Полторанин 15 шақырымдық жарысқа қатысуы керек болған. Алайда, 1,5 сағат қалғанда спортшы жарыс жолынан шеттетілді.